Андижон қишлоқ хўжалик институти “Камолот” ЁИҲ бошланғич ташкилоти Агрономия факултети Кенгашининг ҳисобот-сайлов йиғилиши бўлиб ўтди.

• AQXI
• "Kamolot" YIH BT
• boshlang'ich tashkilot
• BT
• Andijon
• hisobot-saylov

        Андижон қишлоқ хўжалик институти “Камолот” ЁИҲ бошланғич ташкилоти  фаоллари Мудофаа вазирлигига қарашли Андижон горнизони 45605-сонли ҳарбий қисмида бўлди. Ватанимиз ҳимоячилари учун “Ватан ҳимояси муқаддас бурч” номли концерт дастурини тақдим этдилар.
Олийгоҳимиз ректори Зуҳриддин Жумабоев харбий кисмнинг барча харбийларини 14 январ – “Ватан ҳимоячилари куни”  ва Ўзбекистон Республикаси Қуролли Кучлари ташкил топган кун муносабати билан муборакбод этиб, ҳарбий қисм билан олиб борилаётган ўзаро ҳамкорлик ришталарини янада мустаҳкамланишига тилак билдирди.

• Камолот ЁИҲ
• янгиликлар
• Андижон
• АҚХИ
• AQXI
• Yoshlar
• kamolot

Маълумки, Асосий Қонунимизда мамлакатимиз Қуролли Кучлари Ўзбекистон Республикасининг давлат суверенитетини ва ҳудудий яхлитлигини, аҳолининг тинч ҳаёти ва хавфсизлигини ҳимоя қилиши, шу билан бирга, Ватанимизни ҳимоя қилиш Ўзбекистон Республикаси ҳар бир фуқаросининг бурчи экани алоҳида белгилаб қўйилган. Шу маънода, бугун ҳар бир йигит учун Қуролли Кучларимиз сафида хизмат қилиш нафақат конституциявий бурч, айни вақтда нуфузли ва шарафли ишга айланди.

• O'zLIDEP
• kamolot
• Камолот ЁИҲ
• AQXI

Куни кеча, 14 январ — «Ватан ҳимоячилари куни» муносабати билан Андижон қишлоқ хўжалик институтининг “Камолот” ЁИҲ бошланғич ташкилоти фаоллари томонидан Балиқчи туманидаги 58724-сонли харбий қисмда “Кўзим қароғидасан, Ватан” номли тадбир ташкил этилди.
Президентимизнинг Ўзбекистон халқига Янги йил табригида қайд этилганидек, 2015 йил мобайнида мамлакатимизнинг куч-қудрати ва салоҳиятини халқимиз фаравонлигини янада ошириш, жаҳон майдонида Ватанимизнинг обрў-эътиборини юксалтириш йўлида янги марралар забт этилди. Буни қишлоқ хўжалиги, жамиятимизнинг барча жабҳалари ҳамда фуқароларнинг маънавий ва интеллектуал савиясини ошириш борасида қўлга киритилган натижалар мисолида ҳам яққол кўриш мумкин, табиийки, бундай муваффақиятларга эришишда Ватанимиз сарҳадларини туну кун сергаклик билан қўриқлаётган Ўзбекистон Республикаси ҳарбий хизматчиларининг муносиб хиссаси бор. Зеро дунйодаги энг улуғ неъмат – тинчлик ва осойишталик боис ана шундай янги марраларни эгаллаяпмиз, фаровон ҳаёт кечиряпмиз.

• AQXI

14 январ – “Ватан ҳимоячилари куни” байрами муносабати билан Андижон вилоятидаги ҳарбий қисмлар, олий ва ўрта-махсус ўқув юртларининг талаба-ўқувчилари ўртасида “Ватан олдидаги бурчим ва садоқатим” шиори остида ҳарбий ва эстрада қўшиқлар кўрик-танлови ўтказилди.

• AQXI

1 dekabr dunyo bo‘ylab OITSga qarshi kurash kuni sifatida belgilangan. Har yili shu kuni ko‘plab mamlakatlar bu dardning nechog‘lik ulkan ofat ekanini yana bir bor yodga olishadi, unga qarshi chora-tadbirlarni kuchaytirishadi.
Andijon qishloq xo'jalik instituti «Kamolot» YIH boshlang'ich tashkiloti tomonidan ushbu sana munosabati bilan «OITSdan saqlaning!» mavzusida davra suhbati tashkil etildi. Yig'ilishda Andijon viloyati OITS markazi bo'lim mudiri J.Mamadaliyeva, oliygoh qoshidagi Ibn Sino salomatlik markazi rahbari A. Isomiddinova, Valeologiya fani o'qituvchisi N.Qosimova va bir qator pedagoglar o'z ma'ruzalari bilan ishtirok etdilar.

• AQXI
• ANDIJON
• YOSHLAR
• davra suhbati
• OITS

1-dekabr — Xalqaro OITSga qarshi kurash kuni munosabati bilan Andijon qishloq xo'jalik instituti «Kamolot» YIH boshlang'ich tashkiloti tashabbusi bilan oliygohimizda 23-30 noyabr kunlari sport haftaligi e'lon qilindi.
OITS- ortirilgan immunitet tanqisligi sindromi, asr vabosi deb atalayotgani uning nechog'lik xavfli ekanligidan dalolat. Jumladan, millatimiz ertasi hisoblanmish yoshlar bu kabi xatarli illatlardan mutlaqo begona bo'lishlari zarur. Bu yo'lda barchamiz ma'sulyatni teran his etib, kerak bo'lsa vijdon amri deb bilgan holda, unga qarshi hamjihatlikda kurashmog'imiz zarur. Harakat boshlang'ich tashkiloti o'tkazayotgan mazkur sport haftaligi ham shunday ezgu maqsad mahsulidir.
Davlatimiz rahbarining 2008 yil 26 dekabrda qabul qilingan “O‘zbekiston Respublikasida OIV infeksiyasi tarqalishiga qarshi kurash samaradorligini oshirishga doir qo‘shimcha chora-tadbirlar to‘g‘risida”gi qarori OITS, giyohvandlik, kashandalik va boshqa zararli odatlarga qarshi kurash bo‘yicha profilaktika chora-tadbirlarini kuchaytirishda muhim omil bo‘lmoqda.

• AQXI
• KAMOLOT
• ANDIJON
• YOSHLAR
• Sport musobaqalari

17 ноябр – Григорян календарининг 321-куни, йил якунига атиги 44 кун қолди. Билсангиз бугун байрам, табриклашга шошмаяпсиз… Қандай байрам дейсизми?! –Халқаро талабалар куни! Келинг, яхшиси мухтасар маълумот бериб ўтсам фойдадан холи бўлмас, назаримда.
Ушбу сана бундан 73 йил аввал – 1942 йил 17 ноябрь санасида Буюк Британия маркази ҳисобланган Лондон шаҳрида бутун дунё бўйлаб фашизмга қарши курашган талабаларнинг конфренциясида маъқулланган ва аксарият давлатларда кўтаринки руҳда нишонланади. Албатта, бу байрам рангин орзулар фасли –  олтин давримиз рамзи сифатида талқин этилсада, унинг тарихи бироз қайғулироқ. Сабаби, ушбу қарор фожеали воқеалар оқибати асосида қабул қилингани тарихдан маълум.

• AQXI
• KAMOLOT
• Kamolot BT
• TALABA
• STUDENTSUZ

Ўзбекистон Республикаси Мудофаа вазирлигига қарашли Андижон горнизони 45-605 — сонли ҳарбий қисм талаба-ёшларни байрам билан табриклади!





 

17-noyabr — Xalqaro talabalar kuni munosabati bilan oliygohimizda talaba-yoshlar uchun bayram tadbiri tashkil etildi!
***
Мы отметили всемирный день студентов!
***
We celebrated World Day of students!




Boburmirzo XOJIAKBAROV

Андижон вилоят ҳокимлиги ва “Камолот” Ё.И.Ҳ вилоят Кенгаши ташаббуси билан 9-17 ноябр кунлари “Ертанги кун бизники, марра бизники” шиори остидаги “Ёшлар ҳафталиги” эълон қилинган бўлиб, ҳафталик доирасида талаба-ёшлар учун турли тадбирлар режаси ишлаб чиқилган. Мана шундай тадбирлардан бири Андижон қишлоқ хўжалик институтида ўтказилди.
Ёшлар ҳафталиги, қолаверса 18-ноябр – Ўзбекистон Республикаси давлат байроғи қабул қилинганлигининг 23 йиллиги муносабати билан ташкил этилган давра суҳбати “Конституция – ҳуқуқ ва эркинликларимиз кафолоти” мавзусида олиб борилди.

• AQXI
• Yoshlar haftaligi

Kuni kecha, Andijon qishloq xo‘jalik institutida «Ogoh bo‘ling: XXI asr fitnasi” nomli davra suhbati bo‘lib o‘tdi.
»Kamolot” YoIH boshlang‘ich tashkiloti tashabbusi bilan viloyat «Ma’naviyat va ma’rifat targ‘iboti” markazi hamkorligida diniy-ekstremizm va terrorizmga qarshi tizimli ravishda turli tadbirlar o‘tkazib kelinadi. Istiqlol bergan tinchlik ne’matiga shukronalik tuyg‘ularini mustahkamlash, yoshlar o‘rtasida diniy mutaassiblikka yo‘l qo‘ymaslik, niyatlari buzg‘unchilik bo‘lgan kimsalar tuzog‘iga ilinmaslik kabi dolzarb mavzularni qamrab olgan davra suhbati talaba-yoshlarni yana bir karra ogohlikka chorlash bilan birga –notinch mintaqalardagi ahvol yuzasidan chuqur mulohaza yuritishga undadi. 

• AQXI
• Xojiakbarov

    Andijon qishloq xo‘jalik instituti «Kamolot” YoIH boshlang‘ich tashkiloti tomonidan „Kamolot bilimdoni” deb nomlangan viktorina     o‘tkazildi.
 

• AQXI
• Xojiakbarov

2015 йил 5 ноябр куни Андижон давлат университетида ёшларга оид давлат сиёсатини амалга оширишга қаратилган чора-тадбирлар дастури ва бир қатор нуфузли ташкилотларнинг тегишли қўшма қарорларига мувофиқ “Ёшларни миллатлараро тотувлик ва диний бағрикенглик тамойиллари асосида тарбиялашнинг долзарб вазифалари” мавзусида Республика илмий-амалий семинари бўлиб ўтди.
Мазкур семинар ҳозирги кундаги долзарб масалалардан ҳисобланган мавзуга бағишлангани билан ҳам аҳамиятлидир. Ўзбекистон Республикаси Конститутсиясининг 31-моддасида қайд этилганидек: “Ҳамма учун виждон эркинлиги кафолатланади. Ҳар бир инсон хоҳлаган динга эътиқод қилиш ёки ҳеч қайси динга  эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди”. Бу сатрларга умумеътироф этилган қонун нормаларига тўлиқ жавоб бера оладиган, ҳар қандай инсон қадр-қимматини тенг ҳуқуқли ташкил этишга хизмат қиладиган мустаҳкам пойдевор дея таъриф берсак ҳам ўринли, назаримда.

• AQXI
• kamolot
• OTM

Андижон қишлоқ хўжалик институтида “Кексаларни эъзозлаш йили” давлат дастурини ижросини таъминлаш, ҳамда  фидоий устоз-мураббийларнинг меҳнатини муносиб рағбатлантириш мақсадида пахта йиғим-теримида жонбозлик кўрсатган ва устоз-шогирд йўналишида намунали фаолият юритаётган бир гуруҳ фаол ўқитувчилар олийгоҳ маъмурияти томонидан рағбатлантирилиб, кўхна Самарқанд шаҳрига саёхат ташкил этилди.
— Саёҳатимизни ҳадис илмининг султони, буюк аллома, имом Ал-Бухорий ёдгорлик мажмуасидан бошлашдик. Бу жойлар таъмирланиб обод масканга айланибди, -дейди “Маънавият ва маърифат” маркази раҳбари Мирзоҳид Ботиров. – Ҳунармандчиликнинг дурдоналарини кўриб миллий ҳунармандчилигимизга бўлган юқори баҳо ва эътироф онгу шууримизда янада сайқалланди.

• AQXI
• keksalarni e'zozlash yili
• otm

Andijon qishloq xo'jalik instituti «Kamolot» Yo.I.H. boshlang'ich tashkiloti tomonidan oliygoh talabalar turar joyida istiqomat qilayotgan talaba-yoshlarning madaniy hordiq chiqarishlari, bo'sh vaqtlarini mazmunli tashkil etish maqsadida tizimli tadbirlar o'tkazib kelinadi. Muntazam ravishda olib borilayotgan ma'naviy-ma'rifiy dastur o'z samarasini berishi shubhasiz, albatta.
Mana shunday tadbirlardan biri kuni kecha o'tkazilib, unda tengdoshlarimiz uchun «Shunqorlar» badiiy filmi namoyish etildi. Kino-kecha ko'tarinki kayfiyat va o'zgacha ruh kasb etdi.

• AQXI

Андижон қишлоқ хўжалик институтининг бошланғич ташкилоти Кенгашининг кенгайтирилган таркибдаги йиғилиши бўлиб ўтди.

• AQXI
• Andijon
• Kamolot

Андижон қишлоқ хўжалик инстутитининг талаба-ёшлари Заҳириддин Муҳаммад Бобур номи билан танилган вилоят мусиқали драма театрида бўлдилар.
Театр маърифат ўчоғи саналиб, тенгдошларимиз маънавий-маданий камол топишида ўзининг салмоқли ўрнига эга. Ёшларни оқ-у қорани танишига хизмат қилиш – бугунги кунда барча жамоат ташкилотлари қатори театрнинг ҳам асосий вазифаларидан саналади.
Диний ақидапарастлик, терроризм, миссионерлик, уюшган жиноятчилик сингари қанчадан-қанча жаҳолат ва қабоҳат йўллари борки, улардан юрган киши эртами-кечми, албатта, афсус-надомат чангалига тушади. Айни ҳақиқат Ўзбекистонда хизмат кўрсатган артист Муҳтасар Йўлдошева томонида саҳналаштирилган “Қабоҳат” фожеали драмасида ҳам ўз тасдиқини топди.
Хўш, ана шундай ачинарли, ғариб аҳволга тушиб қолмаслик учун нима қилмоқ керак? Ҳар бир инсон, ҳар бир тенгдошимиз йўл бошида туриб, унинг охири-оқибати нималар билан якунланишига қизиқиб кўрмоғи лозим. Охирини ўйлаб қилинган ишнинг оқибати ҳам хайрли бўлади.
 – Ҳар бир ота-она зурёди келгусида ўзи эриша олмаган ютуқларни қўлга киритишини, юксак марраларни забт этишини истайди. Ана шу эзгу фазилат ҳукуматимизнинг ёшлар камолотига қаратилган сиёсатида ҳам яққол ўз ифодасини топган, — дейди ҳаракат бошланғич ташкилоти етакчиси Орифжон Абдуллаев. -Юртбошимиз таъкидлаганидек, фарзандларимиз биздан кўра доно, кучли, билимли ва албатта бахтли бўлишлари шарт! Бундай эътибор-ғамхўрлик бизга куч-қувват бағишлаш билан бирга, маъсулиятимизни ҳам бир қадар оширади, албатта.
Ҳуқуқни муҳофаза этиш органларининг материаллари асосида сужетга бой тарзда бадиий сайқалланганлиги ва аксарият образларни ёшлар томонидан маҳорат билан ижро этилганлигини спектакл ижодкжорларининг ютуғи сифатида эътироф этиш мумкин.
Ҳа айтганча, театрга тез-тез бориб туринг, азиз тенгдош!
 
Бобурмирзо ХОЖИАКБАРОВ
АндҚХИ “Камолот” Ё.И.Ҳ.
БТ Матбуот йўналиши сардори
 











 
 

“Axsikent yoshlari” ma’naviyat-targ‘ibot-tashviqot guruhi tomonidan “1-oktyabr – Ustoz va murabbiylar kuni” ga bag‘ishlangan “Siz borsizki – olam munavvar, aziz ustoz-murabbiy!” deb nomlangan bayram tantanasi tashkil etildi.
Bayram tantanasida institutning professor-o‘qituvchilari,  murabbiylari hamda Xalq deputatlari viloyat Kengashi a’zolari R.To‘raxonov, T.Tolipov, M.Yuldasheva, S.Nosirova, SH.Qodirov,  SH.Abdullaev, J.Rejavaliev, shuningdek Norin-Qoradaryo irrigatsiya tizimlari havza boshqarmasi boshlig‘ining birinchi o‘rinbosari SH.Ergashevlar ishtirok etdilar.
Millat farzandlarini har tomonlama barkamol qilib tarbiyalash, ularga ilm-fan sirlarini o‘rgatishdek g‘oyat mas’uliyatli ishni ado etib kelayotgan ustoz-murabbiylarimizning qiyoslab bo‘lmaydigan oliyjanob mehnatlarini inobatga olib ushbu kunni muhtaram yurtboshimiz Islom Karimov tomonidan umumxalq bayrami deya e’tirof etilganligi, jamoatchiligimiz, butun xalqimiz hohish-intilishlarini o‘zida mujassam etdi desak, mubolag‘a bo‘lmaydi. Bugun o‘qituvchi-murabbiy e’zozda, e’tiborda, g‘amho‘rlik og‘ushida.
Barchaga o‘rnak bo‘lib samarali mehnat qilib kelayotgan bir qator ustoz-murabbiylarga esdalik sovg‘alari topshirildi. SHundan so‘ng navbat “Axsikent yoshlari” jamoasi tomonidan tayyorlangan bayram dasturiga berildi. Qolaversa Andijon viloyati  “O‘zbeknavo” estrada birlashmasining hushovoz xonandasi Qizlarxon Davronova ijrosidagi kuy-qo‘shiqlar barchani raqsga chorladi.
O‘tkazilgan bayram tantanasi yig‘ilgan barcha ustoz-murabbiylar va mehmonlarda katta taassurot qoldirdi hamda ularga yuqori kayfiyat ulashdi.Tadbirda 250dan ortiq ustoz-murabbiylar ishtirok etdilar.
 
Gavharoy USMONXO‘JAYEVA
 
AndQXI “Kamolot” YIH
BT “Iqtidorli yoshlar va yosh olimlar” yo‘nalishi sardori
 










 

Andijon qishloq xo'jalik instituti «Kamolot» YIH boshlang'ich tashkiloti tashabbusi bilan iqtidorli va faol talaba-yoshlardan iborat «Axsikent yoshlari» ma'naviyat targ'ibot-tashviqot guruhi Andijon viloyat hokimligining mehnat va aholini ijtimoiy muhofaza qilish bosh boshqarmasiga qarashli Qo'rg'ontepa tuman bolalar “Muruvvat” uyida bo'ldilar.
Tadbirning rasmiy qismida homiylar tomonidan taqdim etilgan hadyalar muruvvat uyi tarbiyalanuvchilariga topshirildi. Madaniy kechada esa respublika QVZ tanlovining yarim final o'yini g'olibi «Og'alar» jamoasi, hamda Azizbek Ismanov va Saida Ibragimovalar tomonidan kuylangan kuy qo'shiqlar davraga o'zgacha shukuh bag'ishladi.
Ko'tarinki kayfiyatda o'tkazilgan dastur ishtirokchilar qalbida ertangi kunga ishonch, bugungi kunimizga shukronalik tuyg'ularini bag'ishlagani shubhasiz.
E'tirof etilganidek: savob ishni har kim, har kuni qilishi kerak!


Gavharoy USMONXO'JAYEVA
AndQXI «Kamolot» YIH
BT «Iqtidorli yoshlar va yosh olimlar» yo'nalishi sardori